الموضوع:

السلام عليكم يا اخواني انا بشتري بوكلين بس ابي اعرف أحسن نوع يعني أحسن شركة تصنيع وهل في أحجام مفختلفه وأي حجم افضل وويش اكثر شي يخرب فيه وأحسن شي اجره على شركة او اشغله براء وأبي اعرف أحسن شركة وش ولو أجرته على شركة وش اطلب منهم يعني يتحملون الخراب او السواق او راتبه او السكن والأكل وكم اتفق معهم لو اتفقو على شي من هذا يعني عليهم السواق كم يعطوني بشهر او بساعه الي يقدر يفيدني جزاه الله كل خير والله يجعلها في موازين حسناته وانا طرحت هذا الموضوع للفائدة لي او لغير ولاتدري يمكن احد يدعيلك في الغيب

عليكم والسلام

اسمح لي اخوي اقول لك ان من المفترض انك تسال هل السوق والبرحات اي الدويرات تلقى عندهم الخبر الاكيد وجس نبض السوق ماخلاني اقول ذا الكلام لاني ماشفت رد على موظوعك لان اغلب اللي هنا حقين مشاريع ومقاولات ومناقصات ولاتزعل من كلامي

اما بالنسبه لاختيار المعده ..خذ بوكلين كوماتسو جنزير حجم pc 200 وكيله عبداللطيف جميل واسعاره افضل من اسعار الوكيل السابق بقشان .

فالسابق كانت اسعارها على 650 الف ريال كاش وماعنده تقسيط .والان 470 الف ريال كاش وممكن تاخذ اقساط بزياده بسيطه .

اما الاجار يبي لك تتعرف على شركات او مؤسسات .

او تستقدم عليه سائق يمني وتعطيه بالمصلحه له الثلث والديزل والمحروقات بينكم بالنصيفه ..

مع ان ابو يمن ينهي لك المعده في سنتين ..الين ماتجيب نص سعرها .

لكن اذا انت بنفسك تشوف بنفسك نشاط ترا بتلقى شغل بالشركات وذا الساع حط هندي ب1200 ريال يحافظ على المعده .


واما الاجار فهو ماينزل عن 18 الف ريال . ديزل عليهم وسكن ( اما السواق وراتبه وباقي مصاريف المعده عليك)

ونصيحه لاتؤجر معده بدون سواق يعني تخلي السواق من عند الشركه والله يطلع بدل ال 18 الف 40 الف يعني يكرفونه كرف تكره معدتك وتشوفها ماعاد تسوى شي


ارجوا اني افدتك . والله يوفقك

هونداي وبس

نصيحه خل فلوسك بجيبك وانحش عن البوكلينات