الموضوع:

السلام عليكم اخواني (

فيه شخص عرض علي انه يشتغل بالسجل حقي مقابل نسبة 40 في الميه له والتمويل ومصاريف من سكن وسيارةو 1500 ريال شهري علي من عندي طبعا هو الكفالة

ارجوكم ردوي علي وافيدوني لاني تعبت ومليت وطلعت السجل وابي الشتغل

هل النسبة والراتب مناسبة

عادي لو يبي 50 % عطه
بس بشروط
اول شي مايشد ريال واحد لين يحقق اول مشروع حتى لو حققه بعد 6 شهور
مصاريف وخرابيط دفني بالف ريال مصاريف مدارس للعيال وحركات النصابين مافيه
اشرط عليه بينك وبينه شغل وعمل واضح مثل انه مطلوب يحقق عقود معينه خلال الفتره المتفقين فيها على الشراكه وترى الكتاب يبان من عنوانه
وبضيف لك نقطه انتبه تسلمه اوراق المؤسسه او اختامها وتابع عملك بشكل يومي
وكل الاجتماعات الي يقوم فيها داخل المؤسسه تفاديا لبعض الاشخاص يعتمد لتمرير
بعض الاعمال الغير قانونية تحت المؤسسه وفي غفله منك
وبفيدك بشغله حاول تكون لك علاقه مع اي مهندس اخر تعرض عليه المشاريع الي راح يجيبها لك في المستقبل بشكل سري بينك وبينه بحيث تكشف طريقة حسابه للكميات وتقيمه للمشاريع ان كانت مربحه او خسرانه

واي خدمه راسلني ع الخاص وفالك طيب

فمان الله ،،

جزاك الله خير اخويalm واشكرك على الافادة

السلام عليكم ورحمة الله وبركاته
الاخ alm ماقصر وبيض الله وجهه جبلك زبده خبير
باضيف نقطتين
1- احذر توظف اقاربه حتى لو كانو خبراء حيبدأ بعد فتره يقنعك ببعض الاشخاص وتطلعلهم فيز و تستقدمهم فاخذر كل الحذر
2- اعمله حساب وتكون كل العمليات الحسابيه بينكم من خلال التحويلات بين الحسابات احذر الكاش وكذالك تامين المواد تكون بالتحويل على قدر الاستطاعه وبفواتير مختومه
تحياتي

اولا ياليت تخبرنا الاجنبي وش خبراته وش مجال عمله
ثانيا

40% كثيره جدا جدا جدا .. ( خذا الحقيقه )لكن انت حر اهم شي مايشترط عليك راتب لانه لو كان ناجح مايشرط راتب الا اذا كان استغلالي وانا عتقد هذا يعتمد على شخصيتك انت معاه في طلباته خلك حازم والابتسامه الغها في امور زي هذي وترا مافي البلد الا هذا الشخص وزي ماقلت طلبه الراتب يااما انه استغلالي او فاشل يبي يجرب حظه عندك ..
المهم :
النسبه المتعارف عليها وبدون راتب 25 % اذا كان كل شي عليك من مال وغيره وهو عليه البدء والعمل بدون ان يدفع مال

لكن انتبه خصوصا اذا كان عربي نصيحه انا اعرف العرب زين واعرف نصبهم وزي ماقالو الاخوه لاتجيب اقاربه او تعطيه اختام المؤسسه وانتبه توقع له على اي مستند الا قد درسته ولافيها شي اذا جاك باوراق او عقود وقال وقع قله لازم ادرسها وخله يدري انك بتستعين بمكتب هندسي او صديق او غيره وخلها اقل شي يومين هذا اذا كان عقد صغير وادرسه زين
...............
انا عن نفسي لو بشاركه اول شي بشوف سابقه لاعماله او خبراته العمليه لانها مهمه واقيمه من خلالها بعدين اتفق معه على نسبه وابدا بالقليل له واجربه واعده باكثر اذا انه تمام
ثانيا مااعطيه ريال واحد وقت تبدأ الشراكه او العمل الا المتفق عليه (مصروفات العمل فقط المبدئيه )
ثالثااي مبلغ اعطيه مااسجله انه لاجل عمل او شي بسجله انه سلفه اعطيته واتابع صرفه ( مع الاهميه انه لو يبي مبلغ مااعطيه لو يموت موت فقط انا اللي اشتري بنفسي اللي هو يبيه وبعد دراسه المشروع )لانه يمكن لو تعطيه فلوس يصرفها بمشروع ثاني خاص فيه .
عزيزي ترا شراكه زي كذا مايبيلها استفسار موقع زي كذا هي يبيلها اعرف كل شي في التالي :
1- شخصيه الشريك وسلوكه
2- خبرته
3- نوع ومجال العمل
4- راس مال العمل
5- دراسة العمل في السوق ( دراسة جدوى )
وفي حال الدراسة والمضي في العمل يجب ان لاتجلس يجب ان تكون رجلك على رجله ولاتعطيه مجال يغبي عليك

واخيرا واهم حاجه اهم شي انك تاخذ في بالك ان ممكن هذا الشريك ينظر الى كيف يطلع على اكتافك ثم يتركك (ان لم تكن ذيبا والا اكلتك الذئاب )

انا اعرف شخص كان شريكه سوري والسوري نصاب لكن صاحبه ذكي لم يترك له فرصه واي قرش ياخذه هالسوري من صاحبه السعودي يروح السعودي يتاكد انه داخل المشروع وهو اللي يصرفه بنفسه واذا كان غير موجود او مشغول يعطيه ويسجله سلفه في بينهم وهو فالاساس ليس سلفه انما في المشروع ( يعني السعودي صنع السوري على الصدق والغاء فكرة اللف والدوران واستفاد السعودي من السوري الخبره وفنشه في الاخير لعدم ثقته وارتياحه )

وثق انه اهو الكسبان اكثر منك حتى لو تظغط عليه كثير