الموضوع:

السلام عليكم ورحمة الله وبركاته
اسعد الله جميع أوقاتكم
الموضوع بإختصار أنا في بدايت مشوار فتح مؤسسه تشغيل وصيانه فقط هذا النشاط وعندي بعض الاستفهامات والاستفسارات
طبعا ماراح يعطوني اكثر من فيزتين وهذا طبعا لا يغني من جوع طيب كيف العمل
ومن ناحيته اخرى كيف اوفر العمل قبل مأجي بالعمال عشان رواتبهم لني فاتح اترزق مو اصرف عليهم من جيبي
طيب كيف يكون الاتفاق معاهم بالراتب أو بالنسبة وكيف هذا يكون الاتفاق سوا كذا أو كذا
والمشروع بصراحة أنا مو فاتحه عشان فيش ولمبه لا أنا طموحي اكبر من كذا ابي أخذ مناقصات وطبعا مشوارها طويل عشان أوصله
ومين راح يساعدني على تحقيق هذي الرغبات والطموحات وكيف أبدى وأطور مشروعي وكيف أأمن نفسي قدر الإمكان عشان ماتكون الضربه علي قاضيه وأخسر
أرجو النصح والإرشاد والمساعده ولو بلرائي
وكان الله بعون العبد ماكان العبد بعون اخوه

معقوله ولا رد الله المستعان

السلام عليكم
اتمني لك التوفيق من كل قلبيى
المشروع حلو ورغم سهولته الا انه صعب في البدايه لازملك صبر بالنسبه للعماله امرها سهل تقدر تزود العدد بنقل الكفاله وانا افضل يكونوا برواتب افضل الصعب في الموضوع كله انك توفر لهم عمل وخصوصا في هذا التوقيت ولكن لا ننسي ان الله هو الرزاق
وممكن تطور الموضوع في اكثر من اتجاه علشان تقدر علي الاقل تجيب مصاريف المؤسسه ورواتب العمال في البدايه
اهم شي في الموضوع انك تحسب كل خطوه صح وما تخاف اتكل علي الله وموفق باذن الله
واذا احتجت اي استفسار كلمني

ربي يوفقك بس اختيار الوقت صعب شوي خاصه في الانظمه الجديد و 400 ريال علي كل عامل ؛؛؛ نصيحه شوف تجاره غير المقاولات المنافسه فيها شديده وفي الصيانه فيه عملاقه في التخصص عشان كذا فكر وربي يوفقك