بسم الله الرحمن الرحيم
الله يوفقك اخوي مقاول مبتدئ
وبداية طيبه وكلنا مرينا فيها وكم تمنيت اني كنت عارف موقع المركاز من زمان كان استفدت منه كثير ومن خبرة اغلب الاعضاء وآرائهم الطيبه لاكن نحمدالله على كل حال.
وبخصوص مشروع المقابر فاغلب الاخوان عطوك الاسعار وبالأخص الاخ م محمد البلوشي في تحليله الطيب والاكثر من رائع
لاكن فيه بعض الامور الاخوان ما علقوا عليها بحكم خبرتهم فيها لأن الموضوع اصبح زي شرب الشاي والقهوه بالنسبه لأصحاب الخبره
فحبيت اوضحها لك الآتي
1- هدف اي مقاول هو الربح والكل مليون في الميه بيوافقوا عليه
لاكن الشاطر يعرف من اين تؤكل الكتف
اوضح لك اكثر انت حاول تآخذ مبلغ المشروع في البداية
بتقول لي كيف
بقول لك ارفع السعر في البنود اللي راح تبدأ فيها ونزلها في بنود راح تشتغل فيها بعدين
2- احسب كمياتك بالضبط لان فيه بنود الكميات مبالغ فيها وما راح اتنفذ مثل الحفر والحجر الجيري
3- البنود اللي كمياتها بزياده وما راح اتنفذ نزل سعرها والعكس صحيح
تقريبا الطول هو 2000 متر طولي لعدد 12 مقبره من عدد البوابات او ممكن تصل الى 10
4- مثال:
كمية الخرسانة العادية (اسفل القواعد) بفرض ان القاعدة(السماكة*الطول*العرض) = 0.10 * 0.80 * 0.80
= 2200 تقريبا لأن قواعد البوابات والفواصل والزوايا اكبر بكثير
وبفرض ان ارتفاع السور 2 متر <<<<<
كمية الحجر = 2200 * 2متر = 4,400 متر مربع فمن معناه انك ماراح اتنفذ الى نصف الكمية
ملاحظه (اغلب اسوار مشاريع المقابر ارتفاعها هو 1.45 متر بالنسبة للمباني وصافي الإرتفاع هو 2.15 متر من أسفل الميده) ولاكن فرضيتي بزياده حتى اوصل لك الفكره
وبعدين ممكن المشروع ما حوله ولا خلاطة خرسانه يعني سعر المتر المكعب للخرسانه العادية بيكون فوق ال 220 ريال/المتر المكعب
واخيرا اهم بند في المشروع هو معرفتك لسعر الدراسة التقديرية من قبل البلدية او الأمانه ولا تتعداه وانزل عنه ولا تنزل اكثر من 65% من دراسة المشروع لأنه في هذي الحاله راح يستبعد عطائك
وبقول لك رأيي
نزل في الحفر
وارفع في الخرسانة العاديه والمسلحه ونزل في المباني والبوابات لانها بنود كمياتها ماراح اتنفذ كلها بالإضافه لانك ماراح تشتغلهم الى في مراحل متأخرة
واتمنى لك التوفيق والنجاح
,,,,,,,,,,,
ولو مديتنا بالمخططات او مقاطع لها او طول الأسوار كان حللت لك الكميات بالتفصيل
