الموضوع بإختصار يالاجواد اني بحمد الله فتحت مؤسسه مقاولات جديده والنيه ويشهد الله اني اشتغل بذمه مع العمال ومع أصحاب الحلال
اسست مكتب على شارع تجاري ونقلت كفاله مقاول قديم جيد على مؤسستي وجهزت الموقع وشريت سياره والخشب والقمط والدعامات عند رجال أجودي شرواكم قالي ابد اسحب من المستودع ولا تحاسبني الا من يسر
الامور طيبه وجاهزه للمؤسسه من وإلى بس ..............
هذي بس هي اللي جننتني
الشغل وين
ماخليت من جهدي شي اعلانات على النت ونشرت , بروشورات ووزعت , عمال ووصيت أبد حتى كتابات على الجدران وكتبت خخخخخخخخخخ
ولي الحين شهرين وانا اصفر محد حولي
ماغير اليوم جاني واحد يبي يعمر استراحه وطرت في العجه وفي الاخير طلع بعد ماشرى الارض بس انه وعدني لا شرى مايعمرها له الا انا ( عسى الله يوفقه في ارض زينه بسرعه )
عاد فزعتكم يالربع كيف القى شغل والا كيف نلقى شغل حتى لو احد يبي سعي حاضر المهم افتك من الهواجيس
