الموضوع:

اتمنى احد يخدمني عن كيفية الدخول في المناقصات والبدئ بالعمل فيها
انا عندي مؤسسة للنقليات والمعدات
وش الخطوات للدخول على المناقصات
اتمنى احد يخدمني في خطوات الدخول على المناقصات بالتفصيل اذا ممكن
اكون شاكرين ومقدرين

الفزعه ياشباب

الاخ حسن بعد التحيه
انت موضوعك الرغبه في دخول المناقصات وما وضحت ف اية مجال
هل سفلته بحكم عندك معدات مثلا المعدات تخص السفلته او تخص الحفر للانشاء
او معدات لك رغبه تأجرها للحكومه وضح خبرتك ف اية مجال وابشر
طبعآ مبدئيآ لاية مجال تحتاج الاوراق الرئيسيه وتحتاج لرأس مال
الاوراق معروفه
السجل
الغرفه التجاريه
التأمينات
الزكاه والدخل
السعوده
الرخصه
ادا متوفره الاوراق النظاميه تقدر تشتغل مع المناقصات الحكوميه

انا عندي الاوراق الكامله واذا في مجال تأجير معدات على الحكومه
مافي مشكلة بس وش نقطة البداية لتأجير المعدات

وأبي نقطة البداية لبداية المناقصات

اكوون شاكر ومقدر خدمتك

اخي العزير ياليت تدخل على موقع وزارة الماليه نضام المشتريات الحكوميه تجد فيه جميع الشروط المطلوبه لذالك اتمنى لك التوفيق انشالله

مو محتاج الا الاشتراك في المركاز تقدر تتابع جميع المناقصات الحكوميه عن طريق المركاز جزاهم الله كل خير

الاشتراك السنوي 360 ريا ل تصير كل يوم والثاني تشيك علي المناقصات التي تخصك واكثر شي يطلبو المعدات

البلديات

مثلا بلدية القنفده تطلب عدد 2 شيول وواحد بوكلين

تاخد لهم صور من الاوراق الموضحه اعلاه وتشتري الكراسه منهم ب 500 ريال او 1000 ريال وتشوف كل التفاصيل في الكراسه

وتسعرها وترجع تردها لهم مع ضمان بنكي 1% وللعلم ما تكون وحدك بل معاك منافسين ودا كان سعرك اقل سعر انشاء الله

يرسي عليك المشروع

وللعلم جميع المشاريع بتلك الطريقه سواء البلديه او الدفاع المدني او الحرس الملكي او سلاح الحدود او المواصلات او التعليم العالي والتعليم العادي او الصحه او او او الخ

ماشاءالله الخير واجد والله في الدوائر الحكوميه كلها بس الله يبعد عنا الجهله في تسعيرة الكراسات

يحطو اسعار هلكانه ويجو يسوقوها في جميع المنتديات مششششششششششششروع للتنازل بنسبه 5 % وللعلم المشروع يكون خسران 10% و15% ويجي المسوق يقول ارباح المشروع 30% او 40% الله لا يوريك ويكلها واحد ضعيف توه مبتدا ويحط اللي وراه واللي قدامه لا حوله ولا قوة الا بالله

علي العموم لا اطول عليك الله يوفقك انت وجميع المبتدئين وتوكل علي الله ولا تتراجع ولا تاخد من الباااااااطن

تحياتي لك وللجميع