الموضوع:

السلام عليكم ورحمة الله وبركاته

إخواني الكرام ، أنا رسي علي مشروع بأمانة القصيم وسويت ضمان ٥ ٪ - وتبين لي أني خسران في المشروع ، أنا في هذه الحاله قررت الانسحاب ، فلما قدمت عليهم
بخطاب طلب الانسحاب قال لي مدير المشاريع بالأمانة ( ان الضمان يروح عليك(وهذي مافيها مشكلة) لكن المشكلة انه يقول : وتتحمل الفارق بعد ) يعني اذا المشروع ناقص عليه مثلا ١٠٠،٠٠٠ ريال ، انت راح تتحمل ١٠٠،٠٠٠ من غير الضمان اللي راح .
فانا أريد اسأل هل هذا النظام صحيح في الدولة - مع انه نظام ظالم الصراحه .
ياليت تفيدوني بذلك ،،، لان هذا المشروع خسران فيه ع الأقل ٢٠٠،٠٠٠ ريال في حال تنفيذه .
والله يعوضنا برضاه ...
(ارجوا الرد علي بأسرع وقت ، لأجل اتخاذ الإجراء اللازم بذلك)

والسلام عليكم .

السلام عليكم
الافضل لك ان تتابع العمل في المشروع
وتعوض خسارتك بعدد التاشيرات التي ستحصل عليها
واذا اردت مساعدة ممكن تراسلني على الايميل
:

اذا انت وقعت العقد يحق لهم بموجب النظام يدفعونك الفرق بينك وبين اللي يفترض يكون بعدك في السعر هذا اذا وافق اللي بعدك والا يفاوضون اللي بعده . ما سمعنا انها طبقت على احد خصوصا انك مابديت العمل وممكن تحتج بزيادة الاسعار ونظام العمل الجديد ويعفونك من هالكلام كله.

اخي العزيز افادة مدير ادارة المشاريع هو الصحيح وافادتي من واقع تجربه مع احد الجهات الحكوميه ك\الك بعض الجهات تخاطب وزارة الماليه بعد سحب المشروع منك ويمكن يصدر عليك قرار عدم التعامل مع الجهات الحكوميه حاول قدر الامكان ان تقوم باكمال العمل بنفسك حتى لاتتعرض لتلك الاجراءت

السلام عليكم

انا مثل ماقلت لكم في الموضوع ، الامانه تقول اني راح ادفع الفارق!!!
طيب،السؤال في حال اني رفضت ادفع الفارق ؟؟؟ماهي الإجراءات اللي راح تأخذها الدولة تجاهي؟؟

اخي العزيز الجهات الحكوميه لها عدة طرق بتحصيل المبالغ فبعد امتناعك عن السداد قد يلجاون لسحب المبلغ من البنك اذا كان لديك رصيد يغطي اعتقد انهم يقسطون المبالغ ولا يمكن اعفاءك من المبغ الا بامر من المقام السامي اقترح عليك مراجعة وزارة الماليه قسم الايردات فهم الذين سيقومون بمتابعة التحصيل عندما تعجز الجهه عن تحصيل الفروقات ولديهم كافة المعلومات الخاصه بهذه المواضيع