الموضوع:

لايضاح ارجو الاتصال 0508458802 ىمهندس خالدالسني

حياك اخوي ماجد وبالتوفيق انشاء الله في عملك الجديد اسأل الله التوفيق والسداد لك.

اما بالنسبه لمؤسسة المقاولات الشغله ماهي محتاجه دراسة جدوى ولا شي. مشروعك اللي رح تنفذه بهالمؤسسة هو اللي يحتاج دراسه ومن مدير مشاريع يكون كفؤ اللي يحسبلك مصاريف مشروعك واجتياجاتك من عماله ومعدات ومواد انشائية وكذلك ارباحك من القيمة اللي راسيه عليك.

على حسب اللي فهمته منك انه انت عندك مؤسسة كأوراق رسميه جاهزة ومكتب وحابب تدخل بالمناقصات العامة.

اول شي بالنسبه للمناقصات العامة لابد من وجود شهادة تصنيف مقاول من وزارة الأشغال بإسم مؤسستك وهذه الشهادة هي اللي بتأهلك انك تدخل بالمناقصات وتقدم عرضك على حسب درجة تصنيفك طبعا درجات التصنيف من أولى لغاية خامسة ,, اعلى شي الأولى وهي اللي تأهلك انك تدخل في مناقصات ماقيمة 100 مليون وانت طالع الى مالا نهاية طال عمرك , والأقل منها الثانيه تأهلك لمشاريع من 75 مليون لغايه ال99 مليون, والثالثه من 40 مليون الى 74 مليون والرابعه من 25 الى 39 مليون والخامسه من 10 ملايين الى 24 مليون. اما بالنسبه للمناقصات اللي اقل من 10 ملايين فلا تحتاج لشهادة تصنيف الا في حاله ان كانت المناقصه مصنفه على انها تشغيل وصيانة فأعتقد من 2 مليون واكتر لازم تصنيف.. على العموم انت تقدر تزور موقع وزارة الأشغال وتبحث عن هالموضوع حتى تتأكد من صحة الأرقام اللي اقولها لاني ذكرتها على سبيل الشرح لك فقط.

هذا فيما يتعلق بالمناقصات الحكومية العامة.

في عندك توجه ثاني وهو مشاريع القطاع الخاص واللي لا يتطلب فيها شهادة تصنيف او تأهيل من وزارة الأشغال انما الشغله معتمده على الثقه والعلاقه اللي بينك كمقاول وبين المالك اللي هو صاحب المشروع يعني الشغله يبيلها علاقات.

هذا بالنسبه لسوق المقاولات بشكل عام,, بالنسبه للهيكل التنظيمي اللي تحتاجه لمؤسستك عشان تقومها وتتوكل على الله, الموضوع هذا لكل واحد له رأي فيه, فأنا رح أذكرلك رأي وهذا ما يمنع انك تاخذ أراء عدة أشخاص اصحاب خبره بهالمجال حتى تستفيد منهم وتقدر تحدد رأيك الخاص اللي تعتمد عليه بهالخصوص. انت صاحب مؤسسة مقاولات وبنفس الوقت انت المدير العام فيها, فلابد تكون لك خطة انت تحددها وتتأكد منها وتتوكل على الله.

بالنسبه لرأي الشخصي بهالموضوع, أقترح عليك مبدأً توظف لك مدير مشاريع صاحب خبره حلوه بهالمجال ويكون له علاقاته اللي يقدر حتى يجيب منها شغل سواء حكومي أو خاص.

الشخص هذا لابد يكون انسان موثوق اهم شي, لانه هو اللي رح يقدملك دراساته للمشاريع اللي رح تنعرض عليكم انكم تنفذوها. دراساته رح تكون مكونه من الأتي:
1- بيان بإحتياج المشروع من أيدي عامله سواء عماله وفنيين ومشرفين أو مهندسين حسب حجم المشروع واحتياجه وتحسب التكلفه المتوقعه للأيدي العامله.
2- بيان بالمعدات والآليات اللي تحتاجها لمشروعك وتحسب التكلفه المتوقعه لها سواء كانت تأجير أو شراء وهذا الأفضل حتى تستفيد منها في مشاريع أخرى.
3- بيان بالمواد المطلوبه منك وتكلفتها على حسب أسعار السوق الحاليه وهذه متغيره من وقت لوقت فلابد التأكد منها في وقتها ولا تعتمد على التوقعات فيها.
4- بيان بحساب تكاليف جميع ما ذكر ومجموعها ومعدل أرباحك اللي رح تضيفه عليها.

يمكن اللحين عرفت ليش مدير المشاريع لابد أن يكون شخص موثوق وصاحب خبره طويله بهالمجال لأن دراسته هي اللي رح تشتغل عليها بعد مراجعتهاوإعتمادك إلها وأي غلط فيها ممكن يكلف ملايين خاصه للمشاريع الكبيره.

وبشكل مبدأي ممكن تحتاج مع مدير المشاريع أن يكون هناك محاسب لتنظيم حسابات المؤسسة من رواتب ومصاريف واللي رح تكون بسيطه بشكل مبدأي يعني أي محاسب يقدر يقوم فيها ولا تشترط فيها الخبره الطويله.

لكن في حال دخلت في مشاريع من مليون وانت طالع فالأفضل يكون عندك محاسب ذو خبره حتى يقدر يضبطلك حسابات المؤسسة وحسابات المشروع على حسب الدراسه المسبقه للمشروع من مدير المشاريع.

وبشكل مبدأي أيضاً يمكن تحتاج سكرتير للقيام بأعمال السكرتاريه للمؤسسة من طباعة خطابات ومراسلات واتصالات وتنظيم اجتماعات ومن هالكلام.

أتمنى اني اكون قدرت اوضحلك جزء بسيط من إدارة نشاط المقاولات والباقي عليك انت وهمتك وانشاء الله ان ربي يوفقك ويباركلك في عملك انا والله اللي شدني اني اشرحلك بتفصيل شوي لما قرأت انك مقدم استقالتك, فالله يرزقك ويوفقك يارب

تحياتي

يا أخ ماجد إجابة الأخ ماهر غير صحيحة بالنسبة للتصنيف إذا أردت الإجابة الصحيحة تفضل بالدوخول لموقع وكالة التصنيف بوزارة الشئون البلدية والقروية وليس وزارة الأشغال كما يقول الأخ ماهر .
ويا أخوان أتمنى من الجميع التأكد قبل الإجابة على أي استفسار من قبل الزملاء ، وشكراً .