السلام عليكم ورحمة الله وبركاته
إخوانى الاعزاء لكل السادة الذين يقرأون كلماتى هذه لا أريد أن اقلل من شأن الوسطاء ولكن أريد أن أقول لهم كلمة هامة جدا
كلمة من رجل عمل بالمقاولات منذ أكثر من عشر سنوات
يا جماعة لية بتصعبوا المواضيع عالناس
كل ما بنقرا عن مشروع وندرسه وتجينا المخططات وجداول الكميات ونلاقى المشروع مناسب نرفع سماعة التليفون ونتصل بالاخ الفاضل اللى منزل الاعلان نفاجأ بالطامة الكبرى ارقام خرافية بتنطلب ويقولك أصل المشروع بقيمة كام وخمسين مليون وكلام حلو قوى
أنا عارف ان اللى يجيب مشروع قانونا من حقه نسبة 2.5%مش بنقول حاجة
بس يا جماعة تعالوا ندرسها مع بعض بالورقة والقلم
لما تجيبلى مشروع وتقولى مطلوب 100000مقدم
طيب انا موافق حتاخد مية الف لان المشروع قيمته 10مليون
طيب لما اكون واخد مشروع بقيمة 10مليون تفتكروا محتاج مبلغ قد إية علشان اجهز الموقع وانزل معدات ومواد وخلافه
يا جماعة فوقوا شوية بلاش نصعب الامور
ممكن نقول مطلوب مية ألف على دفعات حقولك حقك من عنيا الاتنين
حتسأل وتقولى وانا اضمن حقى ازاى
حقولك يا سيدى الفاضل فى حاجة اسمها اوراق موثقة وفى حاجة اسمها شيكات مؤجلة وخلافه
لكن رحمة بالمقاول ولا تفتكروا ان المقاول بينهب
اقصى قيمة ربح فى مجال المقاولات لا تتعدى نسبة 30أو 40%
