الموضوع مو بالسهوله اللي انتي اشوفك تفكرين فيها من طريقة طرحك للموضوع ولاكن انا بأقولك شي لك ولغيرك اللي بيقرون كلامي وانتي عاد حره. الدوله مي مغمضه او ما تفهم فيه إدارات عند كل حهه حكوميه فيها مهندسين ولهم خبره في المؤسسات والمقاولين ويعرفون اكثر مني ومن غيري وعندهم شي اسمه لجنة فتح المضاريف وبعدها لجنة فحص العروض بحيث يقيمون العروض والأسعار وهذا يعني إنه يبغالك مهندس متمكن يدرس لك المشروع ويحط اسعار متعارف عليها ويمكن تكون الأول بس وضعك وخبرتك تخوف فما راح يرسون عليك المشروع ويبدون في اللي بعدك إذا كان ضروري يرسون المشروع وبعدها لجنة الترسيه ولها وضعها وكلامها بعد في المبلغ المرصود للعمليه وقيمة العرض ممكن ما يتناسبون وبكذا في اغلب الأحيان تلغى العمليه فمن هذا نبداء نقول لازم يكون عندك خبره عشان تتجاوز موضوع تخوف الجهات الحكوميه منك وبكذا تبداء مع القطاع الخاص او مع الأهالي (إذا لقيت احد يعطيك الشغل اللي عنده) في البدايه يعني تشتغل مع شركات او تسوي فلل للأهالي وفيها مغامره بس لازم تكون حريص من ناحية تحصيل مبالغك اول بأول لأن النوع هذا من الزباين إذا تراكمت عليه الدفعات ما راح يسدد وبعد ما تنفذ كذا عمليه وطبعا يبيلها وقت من سنه الى ثلاث سنوات تبدا تدور ورى المشاريع الحكوميه.
عموما هذا رأئي الشخصي ويمكن فيه غيري ادرى مني واعرف مني في مجال المقاولات لاكن حبيت اعطيك رأئي واتمنى لك ولكل مواطكن سعودي التوفيق والسداد
(وصيه)== ((انتبهي من المهندسين وخاصه الأجانب حاولي إذا جبتي مهندس يكون عن طريق أحد تعرفينه زين لأنه ممكن يورطك في اشياء ما تقدرين تطلعين منها بعدين))== والله يوفقك انشاءالله.
