السلام عليكم ورحمة الله وبركاته
الاخوه الافاضل في منتديات مركاز ..تحيه طيبه
بقول لكم قصه حياتي ياليت تساعدوني وتوجهوني وخصوصا اهل الخبره
أنا عندي مبلغ 70 الف ريال وحابه ادخل في عالم المقاولات .. طبعا المؤسسه تصير باسم الوالد بس هو يقول اجيب مهندس ولا شخص عنده خبره بالمقاولات وهو يدير المؤسسه ,.
وانا من كثر ما أقرأ عن الموضوع هذا قريت انه اذا رست علي المناقصه ممكن اوقع عقد مع شركه تسوي المطلوب مقابل نسبه من الارباح وانا ارتاح من سالفة انشاء المشروع كلها ..
فكرت اني اسوي المؤسسه وادخل المناقصات واذا رست علي اتفقت مع شركات تسويها مقابل نسبه من الارباح .. لان صعبه اسلّم المؤسسه لاي شخص وابوي ماعنده خبره بالمقاولات ..
حابه اسألكم شرايكم بالطريقه هذي تنفع ابدأ فيها ؟ وماهي حسناتها ومساوئها ؟
السؤال الثاني .. كم التكلفه لكل مشروع من هالمشاريع , وكم المده الي لازم نخلصها فيها:
1- تأهيل مدرسه ؟
2- انشاء مدرسه 12 فصل ؟
3- ترميم مسجد ؟
4- هدم وانشاء جامع ؟
وايهم افضل ابدأ فيها ؟
السؤال الاخير مو سؤال هو طلب اذا عندكم نصايح من واقع خبرتكم بهالمجال ياليت تكتبونها لي لاني ناويه ادخل هالعالم ان شاء الله وحتى لو خبصت بالبدايه ..
والله يجزاكم خير
